Investigación

O Grupo Jean Monnet de Competencia e Desenvolvemento ten destacadas vinculacións internacionais baseadas tanto nas súas redes de contacto de profesores e investigadores que completaron a súa formación en Universidades e institucións internacionais (pódense sinalar a Michigan State University, University of Quebec in Outaouais, European University Institute in Florence, Institute for Prospective Technological Studies – a Joint Research Center, European Commission, etc), como polas frecuentes estadías dos seus investigadores en universidades como  (Harvard, Food Products Marketing Institute-Philadelphia-, University of Texas at Austin – Institute of Innovation, Creativity and Capital, IC2 -, Strathclyde University, University of Reading, Aarhus University etc.)

As principais liñas de investigación, proxectos, congresos e estadías noutras universidades descríbense nos distintos conceptos deste apartado, máis merécese destacar o aumento das relacións con investigadores galegos, españois e internacionais, resultante da incorporación do grupo á agrupación estratéxica do Sistema Universitario de Galicia, ECOBAS (Economics and Business Administration for Society) da Universidade de Vigo, da cal o profesor Carlos Hervés é o seu investigador principal.